ઈંગ્લેન્ડ અને ન્યુઝીલેન્ડ વચ્ચે ત્રણ ટેસ્ટ મેચની શ્રેણી રમાઈ રહી છે. પ્રથમ બે મેચ જીતીને ઈંગ્લેન્ડે શ્રેણીમાં 2-0ની સરસાઈ મેળવી લીધી છે. હવે બંને ટીમો વચ્ચે ત્રીજી મેચ 14 ડિસેમ્બરે રમાશે. આ મેચ જીતીને કિવી ટીમ ક્લિન્ચ સ્વીપથી બચવા માંગશે. પરંતુ આ પહેલા જ ન્યૂઝીલેન્ડની ટીમને મોટો ફટકો પડ્યો છે અને સ્ટાર બેટ્સમેન ડેવોન કોનવે ત્રીજી ટેસ્ટમાંથી બહાર થઈ ગયો છે અને તેના સ્થાને ટીમની જાહેરાત કરવામાં આવી છે.
પ્રથમ બે મેચમાં સારું પ્રદર્શન કર્યું ન હતું
ઓપનર બેટ્સમેન ડેવોન કોનવે ઈંગ્લેન્ડ સામેની બંને પ્રારંભિક ટેસ્ટ મેચ રમ્યો હતો, જેમાં તેણે પોતાના બેટથી મોટી ઈનિંગ્સ રમી ન હતી. ચાર ઇનિંગ્સમાં માત્ર 21 રન જ બનાવી શક્યો. હવે તે ત્રીજી ટેસ્ટમાં નહીં રમે. તે આ અઠવાડિયે વેલિંગ્ટનમાં તેના પ્રથમ બાળકના જન્મની રાહ જોઈ રહ્યો છે. તેઓ તેમના પ્રથમ બાળકનું સ્વાગત કરવાના છે. તેમની જગ્યાએ માર્ક ચેપમેનને ટીમમાં સામેલ કરવામાં આવ્યો છે.
કોચ ગેરી સ્ટેડે આ વાત કહી
કોચ ગેરી સ્ટેડે કહ્યું કે આ વાતાવરણમાં પરિવાર પ્રથમ આવે છે અને અમે બધા ડેવોન અને તેની પત્ની કિમના પ્રથમ બાળકનું સ્વાગત કરવા માટે ખરેખર ઉત્સાહિત છીએ. માર્ક તાજેતરમાં જ ભારતમાં ટેસ્ટ ટીમ સાથે હતો. આ સિવાય તેણે પ્લંકેટ શિલ્ડમાં 276 રન બનાવ્યા અને તે સારા ફોર્મમાં જોવા મળી રહ્યો છે. તેથી તેમની સાથે જોડાવા માટે આ સારો સમય છે.
હજુ સુધી ટેસ્ટ ડેબ્યુ નથી કર્યું
માર્ક ચેપમેને હજુ સુધી ન્યૂઝીલેન્ડ તરફથી ટેસ્ટ ડેબ્યૂ કર્યું નથી. પરંતુ આ 30 વર્ષના બેટ્સમેને ODI અને T20 ઈન્ટરનેશનલ ક્રિકેટ રમી છે. ચેપમેને અત્યાર સુધી 26 ODI મેચોમાં કુલ 564 રન બનાવ્યા છે, જેમાં તેણે બે સદી અને એક અડધી સદી ફટકારી છે. આ સિવાય 78 T20 ઇન્ટરનેશનલ મેચમાં તેના નામે 1551 રન છે.
